Wednesday, July 25, 2018

الیکشن کمیشن نےایک گھنٹہ وقت بڑھانے کا مطالبہ مسترد کردیا

Tags

: الیکشن کمیشن آف پاکستان نے پولنگ کاایک گھنٹہ وقت نہ بڑھا نے کا فیصلہ کرلیا،اب پولنگ کا وقت 6بجے تک ہی رہیگا، تاہم الیکشن کمیشن نے انتخابی عملے کوپولنگ کا تیز کرنے کی بھی ہدایت کردی ہے۔ میڈیا رپورٹس کے مطابق ملک بھر میں آج عام انتخابات 2018ء کیلئے پولنگ کا عمل صبح 8بجے سے جاری ہے۔تاہم پولنگ اسٹیشنزپرگرمی اور حبس جبکہ بعض مقامات پربارش کے باعث اور انتخابی عملے کی رفتار سست ہونے کے باعث ٹرن آؤٹ تاحال کم ہے۔ جس کے باعث مسلم لیگ ن ، پیپلزپارٹی ، عوامی مسلم لیگ نے الیکشن کمیشن سے پولنگ اسٹیشنز پرایک گھنٹہ وقت بڑھانے کا مطالبہ کردیا ۔ مسلم لیگ ن نے چیف الیکشن کمشنر کوبھی خط لکھا کہ پولنگ کاوقت ایک گھنٹہ بڑھا دیا جائے۔ مسلم لیگ ن نے تین مطالبے کئے کہ ووٹ کا ایک گھنٹہ وقت بڑھایاجائے۔عملہ کوہدایت کی جائے کہ رفتار تیز کی جائے۔جولوگ موجود ہیں ان کووقت کے بعد بھی ووٹ ڈالنے دیا جائے۔ مشاہد حسین سید نے کہا کہ ہمارا ووٹرباہر نکلا ہے ہرجگہ ہمارا ووٹر موجود ہے ان کوووٹ ڈالنے کا موقع دیا جائے۔اسی طرح عوامی مسلم لیگ کے سربراہ شیخ رشید نے بھی پولنگ کاوقت بڑھانے کی التجا کی۔انہوں نے کہا کہ چیف الیکشن کمشنر انتخابی عملے کورفتار بڑھانے کی ہدایت کریں،وقت بڑھانے سے ٹرن آؤٹ بڑھ جائے گا۔انہوں نے کہا کہ اللہ کا واسطہ دیتا ہوں کہ الیکشن روز روز نہیں آتا، قوم پراحسان کریں وقت بڑھا دیاجائے۔ پولنگ اسٹیشنز پرسینکڑوں نہیں ہزاروں لوگ موجود ہیں۔اسی طرح پیپلزپارٹی نے بھی پولنگ کا وقت بڑھانے کامطالبہ کیا تھا۔دوسری جانب الیکشن کمیشن آف پاکستان نے تمام جماعتوں کے مطالبے پرغور کرتے ہوئے مشاورت کی اور پولنگ کا وقت نہ بڑھانے کا فیصلہ کرلیا۔ واضح رہے آج ملک بھر کے قومی اور صوبائی حلقوں میں انتخابات 2018ء کیلئے پولنگ کا عمل جاری ہے۔ پولنگ کا عمل صبح 8سے بجے سے شروع ہوا اورشام 6بجے تک پولنگ جاری رہے گی۔تاہم گرمی اور حبس کے باوجود لوگ ووٹ ڈالنے کیلئے باہر نکل پڑے ہیں۔ الیکشن عمل کے دوران کوئٹہ میں دہشتگردی کا واقعہ پیش آیا۔اسی طرح لاڑکانہ میں کریکر دھماکہ ہوا۔بعض مقامات پرلڑاجھگڑے کے واقعات ہوئے۔ قومی اسمبلی کے 272 میں سے 270 حلقوں پر جبکہ صوبائی اسمبلیوں کے577 میں سے570 حلقوں پرالیکشن کا عمل جاری ہے۔ قومی اسمبلی کیلئے سبزبیلٹ پیپر اورصوبائی اسمبلی کیلئے سفید بیلٹ پیپرز ہیں۔ الیکشن کمیشن نے بتایا کہ ووٹ ڈالنے کیلئے اصل شناختی کارڈ پولنگ اسٹیشن لےکرجائیں۔ سیکرٹری الیکشن کمیشن کا کہنا ہے کہ الیکشن کمیشن کے پاس120 پارٹیاں رجسٹرڈ ہیں۔ ایک ہزار623 امیدوار آزاد حیثیت سے الیکشن لڑ رہے ہیں


EmoticonEmoticon