Thursday, July 26, 2018

عمران خان اگر جیت بھی جاتے ہیں پھر بھی۔۔۔۔۔الیکشن کمیشن سے آنے والی خبر نے ٹائیگروں کے لیے خطرے کی گھنٹی بجا دی

Tags

اسلام آباد (ویب ڈیسک) سیکرٹری الیکشن کمیشن بابر یعقوب نے کہاہے کہ ووٹ دکھانے کا جرم ثابت ہوا توچیئرمین تحریک انصاف عمران خان کو سزا بھی ہو سکتی ہے۔تفصیلات کے مطابق اپنے ایک بیان میں بابر یعقوب کا کہناتھا کہ فرسٹ کلاس مجسٹریٹ کے اختیار کتنے استعمال ہوئے فی الحال اطلاع نہیں، پہلے بیلٹ پیپرز کے لیے سستا کاغذ استعمال ہوتا تھامگر اس بار مہنگا ہے جبکہ سب سے زیادہ اخراجات عملے کی تربیت پر ہوئے۔انہوں نے کہاکہ سراج رئیسانی شہید کو بتایا گیا تھا کہ اپنی موومنٹ سے پہلے آگاہ رکھیں، ان کے ساتھ ان کی اپنی سیکیورٹی بہت ہوتی تھی۔سراج رئیسانی بہت نڈر اور دلیر آدمی تھے،سانحہ مستونگ انتہائی افسوسناک تھا جبکہ 2013کے مقابلے میں بلوچستان کی صورت حال قدرے بہتر ہے۔واضح رہے کہ چیئرمین تحریک انصاف عمران خان جب ووٹ کاسٹ کرنے کیلئے پولنگ سٹیشن پہنچے تھے تو انہوں نے سب کے سامنے بیلٹ پیپر پر مہر لگائی تھی ۔دوسری جانب ایک اور خبر کے مطابق سینئر صحافی اور معروف تجزیہ کار حامد میر آج پولنگ کے دوران سامنے آنے والے دھاندلی پر چیخ اٹھے ۔نجی نیوز چینل جیو نیوز کی الیکشن ٹرانسمیشن کے دوران تجزیہ کار ارشد بھٹی نے کہا کہ کچھ لوگ دھاندلی سے متعلق دائمی بد گمانی کا شکار ہیں اور وہ ماضی کی طرح اس بار بھی دھاندلی کے الزام لگا رہے ہیں جس پر حامد میر بھڑک اٹھے اور کہا کہ صبح سے سن رہے ہیں کہ بلوچستان سے اچھی خبریں نہیں آرہیں ،بلیدہ سے خبر آئی کہ پولنگ اسٹیشن کے اندر سے بیلٹ باکس اٹھا کے بھاگ گئے ،تربت سے بھی ایسی ہی خبر آئی اور دیگر علاقوں سے بھی خبر یں آرہ ہیں ۔ان کا کہنا تھا کہ بلوچستان حساس صوبہ ہے ،احتیاط کی ضرورت تھی لیکن احتیاط کا مظاہرہ نہیں ہوا ۔حامد میر نے کہا کہ کل بلوچستان کی پارٹیاں ایک ہی بات کریں گی جسے بتانے کی ضرورت نہیں ہے سب جانتے ہیں ۔ان کا کہنا تھا کہ 2008اور 2013میں بھی ایسے ہی دھاندلی ہوئی ،یہ کوئی دائمی بد گمانی نہیں بلکہ نا اہلی کا مسئلہ ہے


EmoticonEmoticon