Thursday, July 26, 2018

کس کو کونسی وزرات دی جائے گی ؟ انتخابات میں واضح برتری حاصل کرتے ہی پی ٹی آئی کے کئی امیدوار سامنے آگئے

Tags

اسلام آباد(ویب ڈیسک)وفاق اور دو صوبوں میں کامیابی کے بعد تحریک انصاف میں وزرائے اعلیٰ اور وزارتوں کے امیدوار سامنے آگئے ہیں۔نجی ٹی وی نیوز کے مطابق غیر سرکاری غیر حتمی نتائج کے مطابق تحریک انصاف کے پاس وفاق کے علاوہ پنجاب اور خیبر پختونخوا میں حکومت بنانے کے لئے مطلوبہ اکثریت حاصل ہوگئی ہے ۔ جس کے بعد اب پارٹی میں وزرائے اعلیٰ اور اہم وزارتوں کے امیدوار بھی سامنے آگئے ہیں۔ذرائع کا کہنا ہے کہ شاہ محمود قریشی،علیم خان اور فواد چوہدری وزیر اعلی پنجاب کے امیدوار ہیں جب کہ گزشتہ دور حکومت میں خیبر پختونخوا کے صوبائی وزیر عاطف خان اب وزارت اعلیٰ کے امیدوار ہیں۔سابق وزیر اعلیٰ خیبر پختونخوا پرویز خٹک کی نظریں وفاقی وزارت داخلہ پر ہے، ڈاکٹر شیریں مزاری وزارت خارجہ اور نیشنل سیکیورٹی ڈویژن کی خواہشمند ہیں۔ جب کہ اسد عمر کو عمران خان پہلے ہی وزیر خزانہ نامزد کر چکے ہیں ۔واضح رہے اب ہے مرحلہ حکومت سازی کا، سب کے پتے شو ہوچکے ہیں کہ کس کے پاس کیا ہے۔ بظاہر مرکز۔ خیبرپختونخوا اور پنجاب میں تحریک انصاف حکومت بنانے کی پوزیشن میں نظر آرہی ہے۔ بلوچستان میں ” باپ ” کی حکومت بننے کے چانس ہیں کیونکہ ” مما ” وہاں سے ہار گئی ہے۔ ماں باپ کے جھگڑوں میں زیادہ نقصان اولاد کو اٹھانا پڑتا ہے۔ سندھ میں حسب روایت حسبِ معمول پیپلزپارٹی حکومت بنائے گی مگر شہری سندھ میں تحریک انصاف بڑی جماعت بن کر ابھری ہے جو کہ مضبوط اپوزیشن کا کردار ادا کرے گی۔یوں تو عمران خان سو دن کا ٹارگٹ دے چکے ہیں تو کم از کم سو دن تو انہیں دینا چاہیے کہ وہ کیا رزلٹ دیتے ہیں۔ کاغذی باتوں سے قطع نظر اگر تبدیلی کی خالق سرکار چند بنیادی معاملات پر توجہ دے تو یقیناً عوام کی دعائیں اسکا مقدر ہونگی


EmoticonEmoticon